Page 24 - Programación de Matemáticas
P. 24
24
§ 10 Aspectos do medio sociocultural que se poden considerar
IES As Mariñas
10. CONTEXTUALIZACIÓN: ADAPTACIÓN AO MEDIO SOCIOCULTURAL E ECONÓMICO
Os proxecto curricular de debe concretar e adecuar o currículo ás peculiaridades do IES As Mariñas. Por todo iso é necesario
reflexionar acerca de que elementos, de entre tódolos que conforman o entorno do centro, poden influír de forma significativa
nas decisións que se tomen no proxecto curricular.
ASPECTOS DO MEDIO SOCIOCULTURAL QUE SE PODEN CONSIDERAR
Familia
— Nivel cultural e socioeconómico.
— Ambiente familiar en relación co estudio e a educación dos fillos.
— Carencias no referente á educación dos fillos.
— Expectativas da familia respecto ó futuro profesional dos fillos.
— Nivel lingüístico.
Alumnos
— Capacidades cognitivas, socioafectivas e motrices.
— Actitude cara a escola e o profesorado.
— Motivación pola aprendizaxe e o traballo escolar.
— Valores e intereses máis relevantes: culturais, sociais, ...
— Carencias no referente ó desenrolo integral da persoa e a inserción na sociedade.
— Estratexias de aprendizaxe.
— Nivel lingüístico
— Hábitos alimenticios
— Ocupación do tempo libre
— Prácticas preventivas sanitarias
IES As Mariñas
— Crenzas e valores que se explicitan na práctica educativa do centro.
— Estilo das relacións educativas (dirección–profesores, dirección–pais, profesores–pais, profesores–profesores, profeso-
res-alumnos, alumnos–alumnos).
— Carencias no ambiente educativo do colexio.
— Recursos educativos do colexio.
Entorno do instituto
— Crenzas e valores do entorno social e cultural que inciden na formación dos individuos.
— Propostas educativas do entorno
DATOS DO MEDIO SOCIOCULTURAL E ECONÓMICO
Os alumnos de ESO proceden de tres centros distintos adscritos, polo que ás diferenzas naturais do alumnado debidas ás súas
peculiaridades persoais e á súa historia académica, hai que engadir a producida polas diferentes prácticas educativas que se dan
neses tres centros.
Os alumnos dos centros adscritos ao noso instituto (Oza-Cesuras e Aranga) viven en zonas rurais dispersas, con notables difi-
cultades de transporte, que lles ocupa 2 horas ao día.
Ese tempo de viaxe non é un tempo de descanso nin de lecer, e en moitas ocasións produce unha notable “tensión” nos alumnos
polos conflitos que xorden no transporte escolar, xa que non sempre viaxan acompañados de monitor.
Eses concellos teñen poucos habitantes e ademais están sufrindo unha gran perda poboacional debido a movementos migratorios
cara as cidades próximas e cun crecemento vexetativo negativo, o que produce envellecemento demográfico importante.
O illamento dos alumnos dificulta, e nalgúns casos imposibilita, actividades autónomas de búsqueda de información (acceso a
bibliotecas, búsqueda de información en grupo, acceso a internet, …), pois non hai bibliotecas neses núcleos rurais, e a dispersión
do alumnado fai que as distancias entre os seus domicilios dificulte/imposibilite o contacto para actividades de reforzo conxunto.
Temos que pensar que os alumnos practicamente só poderán contar cos recursos que o centro lles pode ofrecer, e no horario no
que eles se atopan neste centro.
Esta dificultade tamén se da á hora de plantexar actividades extraescolares.
Estas consideracións fan que as actividades de estudio individual, traballos de investigación e ampliación de coñecementos deban
ser pensadas para poder desenrolarse —fundamentalmente— cos recursos do centro e o material individual deles.
Estas consideracións son válidas para tódalas asignaturas adscritas ao departamento.