Page 12 - Programación de Matemáticas

12
§ 3 Contribución das áreas e materias adscritas ao departamento ao logro das competencias clave
IES As Mariñas

O desenvolvemento da materia a partir dunha perspectiva inter e intradisciplinar tamén se levará a cabo a través de actitudes e
valores coma o rigor, a curiosidade científica, a perseveranza, a cooperación e a responsabilidade.
O desenvolvemento das experiencias de traballo na aula buscará a alternancia entre os dous grandes tipos de estratexias: expo-
sitivas e de indagación. De gran valor para o tratamento dos contidos resultarán tanto as aproximacións intuitivas coma os de-
senvolvementos graduais e cíclicos dalgúns contidos de maior complexidade.
Para facilitar a asimilación dos contidos, a metodoloxía apoiarase en recursos materiais; entre eles, medios manipulativos xeo-
métricos, calculadoras (científicas e gráficas), follas de cálculo e diferentes ferramentas informáticas: GeoGebra, Desmos, …

3. COMPETENCIAS CLAVE
O Decreto 86/2015, no artigo 3, remarca as competencias clave:

 Comunicación lingüística (CCL).  Aprender a aprender (CAA).
 Competencia matemática e competencias básicas en cien-  Competencias sociais e cívicas (CSC).
cia e tecnoloxía (CMCCT).  Sentido de iniciativa e espírito emprendedor (CSIEE).
 Competencia dixital (CD).  Conciencia e expresións culturais (CCEC).

O Decreto 86/2015 tamén indica que a descrición das relacións entre as competencias, os contidos e os criterios de avaliación na
educación secundaria obrigatoria e no bacharelato será a establecida de conformidade coa Orde ECD/65/2015, do 21 de xaneiro,
pola que se describen as relacións entre as competencias, os contidos e os criterios de avaliación da educación primaria, da
educación secundaria obrigatoria e do bacharelato.
— Con respecto ás competencias básicas (anteriores á Lei 8/2013), debe subliñarse que coa nova redacción o sentido das
competencias refírense á capacidade para facer algo, á adquisición de destrezas para resolver problemas, e perderon o
sentido integrador das competencias básicas que tiñan antes da Lei 8/2013, como desenvolvemento de aprendizaxes que
faciliten a realización persoal.
— O artigo 5 do Decreto 86/2015 indica que os centros docentes desenvolverán e complementarán, de ser o caso, o currículo
e as medidas de atención á diversidade establecidas pola consellería con competencias en materia de educación, adaptán-
doas ás características do alumnado e á súa realidade educativa, coa finalidade de atender todo o alumnado. Así mesmo,
arbitrarán métodos que teñan en conta os diferentes ritmos de aprendizaxe do alumnado, favorezan a capacidade de aprender
por si mesmo e promovan o traballo en equipo.
 Dado que nos anexos antes citados do Decreto 86/2015, para cada bloque de contidos, están especificados por parte da
Xunta os estándares de aprendizaxe avaliables, sobre os que se deseñarán as avaliacións externas ou reválidas —cuxa
superación é imprescidible para obter os títulos de ESO e/ou bacharelato—, a adaptación ás características do alumnado e
á súa realidade educativa do recollido nese decreto amósase con pouco percorrido e, como mínimo, moi complexa.
CONTRIBUCIÓN DAS ÁREAS E MATERIAS ADSCRITAS AO DEPARTAMENTO AO LOGRO DAS COMPETENCIAS CLAVE
No desarrollo feito para cada curso adxúntase a contribución á adquisición das competencia clave previstas para a o tipo de
estudos e curso.
O currículo da área de matemáticas, xunto co das demais áreas curriculares, debe ser o instrumento que concrete, a través da
consecución dos seus propios obxectivos, da selección de contidos e da metodoloxía empregada, como se contribuirá á adquisi-
ción, por parte do alumnado, dos coñecementos, destrezas e actitudes implícitos naquelas competencias.
As matemáticas non son só un fin en si mesmo, senón un medio para que o alumnado logre a consecución de competencias
ligadas á comunicación lingüística (CCL), á competencia matemática e competencias básicas en ciencia e tecnoloxía (CMCCT),
á competencia dixital (CD), a aprender a aprender (CAA), ás competencias sociais e cívicas (CSC), ao sentido de iniciativa e
espírito emprendedor (CSIEE) e á conciencia e expresións culturais (CCEC).
Ninguén dubida de que a linguaxe natural, oral e escrita, é un instrumento de aprendizaxe e de comunicación de saberes sen o
que dificilmente se progresa. É necesario que todos o alumnado aprenda a verbalizar os conceptos, a facer explícita unha idea, a
redactar un escrito ou a expoñer un argumento. Adquirir esta competencia supón aprender lingua cando se usa en situacións e
contextos de comunicación diversos. Un de tales contextos é o que proporciona a área de matemáticas. Pero, ademais, a comu-
nicación lingüística na área de matemáticas ten características propias como son a súa precisión, a súa concisión e a súa falta de
ambigüidade, e o dispoñer de símbolos propios e de diferentes rexistros de linguaxe (numérica, alxébrica, gráfica …) que están
destinados a conseguir expresar claramente acontecementos presentes na vida cotiá.
Na sociedade actual impóñense outras fontes de información, os medios audiovisuais e as TIC, polo que é necesario que o
alumnado adquira as habilidades para buscar, obter, procesar e comunicar a información para transformala en coñecemento,
mantendo en todo momento unha posición crítica. O profesorado non se limitará, polo tanto, a ser a única fonte de información,
senón que ten que ensinalo a buscar información relevante nos procesos de ensinanza e de aprendizaxe