Page 11 - Programación de Matemáticas
P. 11
11
2. Materiais e recursos didácticos § 2
IES As Mariñas
VALOR FORMATIVO DAS MATEMÁTICAS
As Matemáticas constitúen un ben formativo e cultural que os alumnos deben apreciar. Elementos de traballo como a estrutura-
ción das nocións espaciais e temporais, a previsión e o control da incerteza ou o manexo da tecnoloxía dixital son expoñentes do
seu valor.
A preparación para desenvolverse axeitadamente no contorno académico, familiar, sociocultural e profesional fai necesaria a
adquisición de habilidades e destrezas asociadas á materia. Tal adquisición fará posible interpretar correctamente táboas, gráfi-
cos, mensaxes e fórmulas que se amosan en diferentes medios de comunicación e que favorecerán a adaptación do alumno ao
contexto. Os contidos matemáticos seleccionados para esta etapa obrigatoria están orientados a conseguir que todos os alumnos
poidan acadar os obxectivos propostos e estean preparados para se incorporaren á vida adulta. O devandito esixirá medidas para
atender á diversidade de actitudes e competencias cognitivas do alumnado.
O dominio da materia é esencial para a consecución dos obxectivos da etapa. Este feito maniféstase en varios aspectos que
pasamos a destacar:
• Coopera no desenvolvemento e consolidación de hábitos de disciplina, estudo e traballo individual e en equipo como con-
dición necesaria para unha realización eficaz das tarefas da aprendizaxe e como medio de desenvolvemento persoal.
• Estimula a asumir responsablemente os seus deberes, coñecer e exercer os seus dereitos no respecto aos demais, practicar
a tolerancia, a cooperación e a solidariedade.
• Realiza unha eficaz achega á consecución de destrezas básicas na utilización das fontes de información para, con sentido
crítico, adquirir novos coñecementos. Facilita a adquisición dunha preparación básica no campo das tecnoloxías, especial-
mente as da información e a comunicación.
• Impulsa o desenvolvemento do espírito emprendedor e a confianza en si mesmo, a participación, o sentido crítico, a inicia-
tiva persoal e a capacidade de aprendizaxe a aprender, planificar, tomar decisións e asumir responsabilidades.
• Favorece o aprecio á creación artística e a comprensión da linguaxe das distintas manifestacións artísticas, ao tempo que
emprega diferentes medios de expresión e representación.
Deste xeito, pódese afirmar que as Matemáticas desenvolven unha labor fundamental para a evolución dunha personalidade
formada e equilibrada que integra o estímulo de capacidades do seguinte tipo:
• Capacidades cognitivas, ao mellorar o pensamento reflexivo e lóxico incorporando á linguaxe e modos de argumentación
as formas de expresión e razoamento matemático e recoñecendo, expoñendo e resolvendo, por medio de diferentes estrate-
xias, situacións susceptibles de ser formuladas en termos matemáticos.
• Capacidades persoais e interpersoais, ao estimular o alumno a manifestar unha actitude positiva diante da resolución de
problemas de xeito que amose confianza na capacidade para se afrontar a eles con éxito e valore as matemáticas como parte
integrante da nosa cultura, a partir dun punto de vista histórico e a partir do seu papel na sociedade actual, aplique as
competencias matemáticas adquiridas para analizar e valorar fenómenos sociais como a diversidade cultural, o respecto
polo medio, a saúde, o consumo, a igualdade de xénero ou a convivencia pacífica.
2. MATERIAIS E RECURSOS DIDÁCTICOS
Polo que respecta aos recursos metodolóxicos, a materia contemplará os principios de carácter psicopedagóxico que constitúen
a referencia esencial para unha formulación curricular coherente e integradora entre todas as materias dunha etapa que debe
reunir un carácter comprensivo, ao tempo que respectuoso coas diferenzas individuais. Estes principios son os seguintes:
• A actividade do profesorado de Matemáticas será considerada mediadora e guía para o desenvolvemento da actividade
construtiva do alumno.
• Partirase do nivel de desenvolvemento do alumno, o que significa considerar tanto as súas capacidades coma os seus coñe-
cementos previos.
• Orientarase a acción do profesorado cara a estimular no alumno o desenvolvemento de competencias básicas. Promoverase
a adquisición de aprendizaxes funcionais e significativas.
• Procuraranse formas de adaptación na axuda pedagóxica ás diferentes necesidades do alumnado.
• Impulsarase un estilo de avaliación que sirva como punto de referencia á nosa actuación pedagóxica, que proporcione ao
alumno información sobre o seu proceso de aprendizaxe e lle permita participar no mesmo a través da auto-avaliación e a
co-avaliación.
• Fomentarase o desenvolvemento da capacidade de socialización, de autonomía e de iniciativa persoal.
Os contidos da materia preséntanse organizados en conxuntos temáticos de carácter analítico e disciplinar. Non obstante, estes
conxuntos integraranse na aula a través de unidades didácticas que favorecerán a materialización do principio de inter e intradis-
ciplinariedade mediante procedementos tales coma:
— Planificación, análise, selección e emprego de estratexias e técnicas variadas na resolución de problemas, tales coma o
reconto exhaustivo, a dedución, a indución ou a procura de problemas afíns, e a comprobación do axustamento da solución
á situación exposta.
— Lectura comprensiva de textos relacionados coa formulación e a resolución de problemas.