Page 8 - Matemáticas para bacharelato de adultos
P. 8
8
2. Conceptos previos. Suma de ángulos
Prácticas
2.3. Ángulos complementarios e suplementarios
• Dous ángulos son complementarios cando a súa suma é igual a un ángulo recto, e suplementarios cando a súa su-
ma é igual a dous ángulos rectos ou un ángulo raso.
• Chámase complemento dun ángulo ao ángulo complementario do mesmo, ou sexa, o ángulo que hai que engadir-
lle para formar un ángulo recto.
• Chámase suplemento dun ángulo ao ángulo suplementario dese ángulo, é dicir, o que lle falta para formar un án-
gulo raso.
2.4. Algunhas propiedades dos ángulos
No que segue imos citar algunha propiedades dos ángulos.
Se dous ángulos son iguais, teñen complementos e suplementos iguais, e reciprocamente, se dous ángulos teñen o mes-
mo complemento ou o mesmo suplemento, entón son iguais.
• Dous ángulos adxacentes son suplementarios.
• Dous ángulos consecutivos non adxacentes non son necesariamente suplementarios.
• A suma de tódolos ángulos consecutivos, de igual vértice, que se
forman nun dos semiplanos que determina unha recta, é igual a
dous ángulos rectos.
• A suma de tódolos ángulos consecutivos que se poden formar arre-
dor dun punto é igual a catro ángulos rectos.
Para obter o complemento dun ángulo, basta trazar polo vértice do mesmo unha
semirrecta perpendicular a un calquera dos seus lados, quedando o ángulo dentro
do recto que se forma.
• Por exemplo, o ángulo BOC é o complemento do ángulo AOB .
Para obter o suplemento dun ángulo trázase a semirrecta oposta a un calquera
dos seus lados: o ángulo convexo formado por esta semirrecta e o outro lado é o
suplemento do ángulo dado.
• Por exemplo, os ángulos BOC e AOC son suplementos do ángulo
'
AOB .