Page 5 - Matemáticas para bacharelato de adultos
P. 5

5
          Trigonometría. Introdución
                                                                                     Prácticas



          TRIGONOMETRÍA. INTRODUCIÓN

          1. CONCEPTOS PREVIOS. ÁNGULOS
             Feixe de raios.
               Un feixe de raios é o conxunto de tódalas rectas que pasan por un punto, chamado vértice
               ou centro, e están situadas nun plano, que é a base do feixe.
               Os elementos do feixe de raios son tódalas semirrectas que parten do vértice.





          1.1. Ángulo plano

             Un ángulo plano é calquera das dúas rexións do plano determinadas por dúas semirrectas
               que teñan a mesma orixe. As semirrectas reciben o nome de lados e o punto común de ori-
               xe chámase vértice.
               •    Na figura, o punto  O  é o vértice e as semirrectas  OA  e  OB  son os lados.

          1.1.1. Notación dos ángulos

             Un ángulo desígnase fundamentalmente así:
               •    Mediante tres letras: unha en cada lado e outra no vértice, lendo sempre no
                    medio a letra do vértice.
                    Exemplo: ángulo  AOB .
               •    Cunha única letra no vértice:
                    Exemplo ángulo  O .
               •    Cunha letra minúscula ou un número colocados no interior do ángulo e ao carón dun arco descrito entre os lados.
                    Exemplo ángulo  m .
               •    Moitas veces tamén se prescinde do vocablo «ángulo», e ponse simplemente  AOB  ,  AOB ,  AOB ,  ˆ m .

          1.1.2. Ángulo cóncavo e convexo
             As semirrectas  OA  e  OB  dividen o plano en dúas rexións.
                                                            '
                                                                  '
               •    A rexión  m  que non contén as prolongacións  OA  e  OB  desas semirrectas chá-
                    mase ángulo convexo, e a rexión  n  que as contén chámase ángulo cóncavo.
               •    Salvo indicación expresa, referirémonos sempre ao ángulo convexo.


               •    Se prolongamos as rectas  OA  e OB , as rectas completas que se forma dividen o pla-
                    no en catro rexións angulares, sendo cada unha delas un ángulo convexo.
               •    Trazando as semirrectas opostas aos lados do ángulo cóncavo, ese ángulo cóncavo
                    queda dividido en tres ángulos convexos.


          1.1.3. Ángulo raso
             Cando as dúas semirrectas  OA  e OB  son opostas, cada unha das dúas rexións do plano
               chámase ángulo raso.
               •    Todo ángulo convexo é menor ca un ángulo raso e todo ángulo cóncavo é maior ca
                    un ángulo raso.
   1   2   3   4   5   6   7   8   9   10