Page 10 - Matemáticas para bacharelato de adultos
P. 10
10
5. Clasificación das variables estatísticas
Prácticas
5. CLASIFICACIÓN DAS VARIABLES ESTATÍSTICAS
As variables estatísticas poden clasificarse de distintas maneiras.
• As variables estatísticas poden ser discretas ou continuas, segundo tomen un número finito ou infinito numerable
ou ben infinito non numerable de valores nun determinado intervalo do seu campo de variación.
• Tendo en conta o número de características que estudemos nos elementos da poboación as variables poden ser
unidimensionais, bidimensionais ou pluridimensionais.
6. Se estudamos ao mesmo tempo a produción e o número de traballadores dunha empresa a variable estatística é bidimen-
sional, xa que se observan dúas características ou variables cuantitativas nos elementos poboacionais.
6. VARIABLES: DISCRETAS E CONTINUAS
Unha variable é un símbolo, tal como x , y , h , X ou T , que pode tomar un conxunto prefixado de valores, chamado
dominio desa variable.
• Se a variable pode tomar un único valor, chámase constante.
• Unha variable que pode tomar calquera valor entre dous valores dados dise que é unha variable continua; no caso
contrario dise que a variable é discreta.
7. O número n de fillos dunha familia pode ser 0, 1, 2, 3, … pero non 2.5 ou 3.7 , polo que é unha variable discreta.
8. A altura h dunha persoa, que pode ser de 1.72metros, ou 1.7651 metros, dependendo da precisión da medida, é unha
variable continua.
Os datos que admiten descrición mediante unha variable discreta ou continua denomínanse, respectivamente, datos
discretos e continuos.
9. O número de fillos de cada unha de 5000 familias é un exemplo de datos discretos, mentres que as alturas de tódolos
alumnos da aula é un exemplo de datos continuos.
En xeral, as medicións dan lugar a datos continuos, e as enumeracións ou recontos, conducen a datos discretos.
10. Supoñamos que se desexa investigar certas características do alumnado dun instituto. Seleccionáronse ao chou 50 alum-
nos para realizar unha enquisa. Rexistrouse para cada un dos alumnos seleccionado: a súa talla, o tipo de estudos realizados
polo seu pai, o número de persoas que conviven no seu domicilio e o seu peso. Neste caso:
• A poboación está formada por todos os alumnos do instituto
• A mostra está formada polos 50 alumnos seleccionados.
• Os carácteres seleccionados son: talla, estudos do pai, número de persoas que viven no seu domicilio e o peso.
— A talla e o peso son carácteres cuantitativos continuos.
— O número de habitantes da casa é un carácter cuantitativo discreto.
— Os estudos do pai é un carácter cualitativo ou atributo.
7. DISTRIBUCIÓN DE FRECUENCIAS UNIDIMENSIONAIS
Cando se estudan algunhas características dunha poboación ou mostra temos que representar os datos obtidos, e iso debe facer-
se da mellor maneira posible.
Un primeiro xeito no que poden presentarse os datos é mediante unha relación exhaustiva de todas as ocorrencias da
variable.
• Isto é o que se coñece como unha táboa de tipo I.
• Cando se fai a agrupación dos datos tense unha táboa tipo II.
11. Por exemplo, se estamos estudando o número de irmáns que teñen os alumnos dun grupo, poderíansenos x n
presentar os seguintes datos: 0 4
1, 2, 1, 0, 0, 1, 3, 1, 0, 2, 1, 2, 0
Este xeito de presentar os datos —táboa de tipo I— só é factible cando se ten un número moi pequeno de obser- 1 5
vacións. Se o número de observacións é grande, o que se fai é agrupar os datos, indicando a continuación o nú- 2 3
mero de ocorrencias de cada un. Isto é o que se chama unha táboa de tipo II.
3 1
12. A táboa tipo II correspondente ao exemplo 11 é a adxunta.